GHSS UPPILIKAI

പ്രവേശനോത്സവം നവ്യാനുഭവമായി.

ഉപ്പിലിക്കൈ: ഉപ്പിലിക്കൈ ഗവ: ഹയര്‍ സെക്കണ്ടറി സ്ക്കൂളില്‍ 2015-16 വര്‍ഷത്തെ പ്രവേശനോത്സവം നവ്യാനുഭവമായി. നവാഗതരെ ഘോഷയാത്രയായി വരവേറ്റു. ചെണ്ടമേളത്തിന്റെ അകമ്പടിയോടെ ഇലത്തൊപ്പി ധരിച്ചുകൊണ്ടാണ് കുട്ടികളെ എതിരേറ്റത്. പ്രാര്‍ത്ഥനയ്ക്കുശേഷം കുട്ടികള്‍ പ്രവേശനോത്സവഗാനം ആലപിച്ചു. തുടര്‍ന്ന് നടന്ന ചടങ്ങില്‍ പി ടി എ പ്രസിഡണ്ട് ശ്രീ സുരേശന്റെ അധ്യക്ഷതയില്‍ സ്കൂള്‍ ഹെഡ്മിസ്ട്രസ് സ്വാഗതഭാഷണം നടത്തി. നഗരസഭാകൗണ്‍സിലര്‍ ശ്രീ മോഹനന്‍ പ്രവേശനോത്സവം ഔപചാരികമായി ഉദ്ഘാടനം ചെയ്തു. കൗണ്‍സിലര്‍മാരായ ശ്രീ അനില്‍ ,ശ്രീ അമ്പൂഞ്ഞി ,പ്രിന്‍സിപ്പല്‍ ശ്രീ ജയരാജ് എന്നിവര്‍ ആശംസ അര്‍പ്പിച്ചു. സ്റ്റാഫ് സെക്രട്ടറി രാജീവന്‍ നന്ദി പ്രകാശിപ്പിച്ചു.

       അക്ഷരമരത്തില്‍ അക്ഷരദീപം കൊളുത്തി കൊണ്ടാണ് പ്രവേശനോത്സവം ഔപചാരികമായി ഉദ്ഘാടനം ചെയ്തത്.തുടര്‍ന്ന് കുട്ടികള്‍ അവരുടെ പേരെഴുതിയ ഇലകാര്‍ഡുകള്‍ അക്ഷരമരത്തില്‍ തൂക്കി. അമ്മമാരും കുട്ടികളും ചേര്‍ന്നാണ് ഈ ചടങ്ങ് നിര്‍വ്വഹിച്ചത് . നവഗതരയായ കുട്ടികളെ മുതിര്‍ന്ന കുട്ടികള്‍ പരിചയപ്പെടുത്തി. കുട്ടികളുടെ വിവിധ കലാപരിപാടികളും നടന്നു. നവാഗതര്‍ക്ക് യൂണിഫോം, പാത്രം, പുസ്തകം ​എന്നിവ പ്രദേശത്തെ വിവിധ ക്ലബുകള്‍, സന്നദ്ധസംഘടനകള്‍(തനിമ,പ്രതീക്ഷ,യുവശക്തി) തുടങ്ങിയവരുടെ വകയായി വേദിയില്‍ വെച്ച് വിതരണം ചെയ്തു.പി ടി എ യുടെ വകയായി പായസവിതരണവും നടന്നു.